لي مشعكا وشعرها طالع للسماء تدخل عندي ممنوع دخول صاحبات الشعر الحرير

من طرف **المدير** الجمعة أبريل 05, 2013 3:50 pm

السلام عليكم بعدا
اياياي هادشي كامل تبارك الله شعرو طالع للسماء لي مشعكا وشعرها طالع للسماء تدخل عندي ممنوع دخول صاحبات الشعر الحرير Dn3

ايوا هاد الشعر مشكيلا معاه مطلع مناخرو للسماء حآآآاس براسو مسكين المهم كل وحدة فيكم تجبد ورقة وستيلو تقيد المقادير وتحل عويناتها مزيان وتشوف الطريقة
انا جبت ليكم زيت صراحة عمرني شفت بحالها
انا كنت طولت شعري بالزيت لي طبقتها الاخت سليمة ولكن الآن وليت تنقلب على الرطووووووووووبية
شعري واخا نعمل ليه السوشوار طالع طالع على طول انا زغبتي رطبة ولكن واقفة وناشفة
المهم انا فايت ليا كتبت موضوع فيه هاد الوصفة وهذا هو الرابط ديالو

زيت 100% ديال الدار كيرطب الشعر

ولكن انا عارفا تاحد مداها فيه
ف جيت نكتب ليكم النتيجة : شعري رطب دابا وزوين تبارك الله من اول استعمال
و الطريقة كالعادة من عند ختكم اسومة بالصور:
الوصفة :

1 كاس جنجلان
1 كاس زريعة الكتان
كاس ونصف زيت العود انا هنا مادرتش زيت الزيتون انا عملت زيت رومية عافية

الطريقة
تنقي الجنجلان وزريعة الكتان وتحمريهم غير شوية في المقلة
تطحنيهم في الطحانة مزيان
تاخدي
كاسرونة فيها الماء تغلى وخودي كاسرونة اخري ديري فيها الخليط الي طحنتي
وزيدي عليه زيت (حمام مريم) وخليه يغلي مزيان على عافية مهيلة تقريبا 10
دقايق
خليه حتى يبرد وديريه في قرعة
الا
كان شعرك جاف بزاف بقاي مرة مرة تدهني بالزيت والله ريحتو زوينة متخافوش
منو وملي تكوني غادا للحمام هزي من الخليط التحت وشقي بيه وخليه في شعرك
ممكن تباتي بيه الا ما كتنش عندك موشكيل و ملي تمشي للحمام غسليه مزيان
وملي تجي من الحمام دهني بالزيت الي الفوق في القرعة حيت الخليط غيتعزل
التحت والزيت الفوق
هدة الوصفة كترطب الشعر مزيان و ايضا كتحد من تساقط الشعر